Itzuli orriaren hasierara

Zientzia

Zientzia eta teknologia gizarteratzeko, haiekiko jakin-mina sortzeko eta kultura zientifikoa sustatzeko egiten dugu lan.

Ikusi gehiago

Hizkuntza eta Teknologia

Hizkuntzan eta haren teknologietan adituak gara, eta, zerbitzu, baliabide eta teknologien oinarri, I+Gko unitate bat dugu.

Ikusi gehiago

Komunikazioa

Zientzian eta teknologian espezializatutako komunikazio-zerbitzuak eskaintzen ditugu, bezeroaren beharretara egokituta betiere:
prentsa-bulegoak, nazioarteratze-zerbitzuak, komunikazio-kanpainak, ikus-entzunezkoak…

Ikusi gehiago

Aholkularitza

Gizartearen hainbat esparrutan, eraikuntza kolektiboan lan eginez, hobekuntza lortzeko zerbitzuak eskaintzen dituen aholkularitza gara. Parte-hartzean eta berdintasunean oinarrituta egiten dugu lan, eta hizkuntza gutxituei tratamendu egokia eskaintzen diegu.

Ikusi gehiago

Albisteak

2014/11/15
Posible al da bikaintasuna zientzian berdintasunik gabe?
Galdera honi erantzun nahian, mahai-ingurua antolatu zuten Elhuyar Zientziak eta Elhuyar Aholkularitzak azaroaren 13an. Berdintasun Gunearen (Emakunde) eta Zientzia Astearen (Innobasque) markoa aprobetxatuta, ikerketa arloan diharduten lau emakume gonbidatu zituzten zientziaz eta berdintasunaz eztabaidatzera: Osasun Saileko Elena Aldasoro Unamuno, Ikerbasqueko Ainhoa Madariaga Martinez, Mondragon Unibertsitateko Ainhoa Larrañaga Elorza eta Euskal Herriko Unibertsitateko Teresa Nuño Angós. Haien ikuspegi eta ibilbideak uztartuz, Euskal Herrian zientzia-sisteman dagoen errealitatera hurbiltzeko aukera izan zuten parte-hartzaileek zein entzuleek.

 

Mahai-inguruan esandakoak Elhuyar aldizkarian irakurgai


Ikusi gehiago
2014/11/11
Hekimen balorazioa, Jaurlaritzak hedabideei emandako diru-laguntzak direla-eta

Hekimen-ek, Euskal Hedabideen Elkarteak, bere jarrera azaldu du Eusko Jaurlaritzaren Hizkuntza Politikarako Sailburuordetzaren diru-laguntzen ebazpenaren harira. Izan ere, hedabideentzako 2014ko laguntzetan, hainbat hedabidek jaitsiera nabarmena izan dute, besteak beste Elhuyar aldizkariak.

Hekimen-en esanetan, “HPSk egin duen azken diru laguntzen banaketak tsunami txiki bat eragin du sektorean: jaitsierak enpresa askotan sortu dituen kalteen aurrean, amorrazioa; igoerak izan dituztenen kasuetan, poza erakutsi ezina; sektoretik kanpoko balorazioen zehar kalteekin, kezka; administrazioarekin enfrentamendu giro deserosoa dela eta, ezintasuna”.
Hori dela eta, batetik gizarteari zuzendu zaio esateko “produktu eskaintza kalitatezkoa eta erakagarriagoa jartzen ahalegintzen garela hartzaileen esku, eta horretarako ezinbestekoa dela gaur egun euskal hedabideek osatzen duten sare minimo hori babestea”.

Horrekin batera, Eusko Jaurlaritzari zuzendu zaio esateko “diru kopuru handiagoak behar direla hedabideen garapenerako, hedabideek egoera larria bizi dutelako, eta gainera aldaketa testuinguru honetan berritu beharra dutelako, egokitu, eta horrek inbertsioak eskatzen ditu” Gainera, laguntzak banatzeko irizpideetan aldaketak egin ditu aurten Jaurlaritzak, “baina behin eta berriro esan dugun moduan irizpide horiek ez dira aldatu sektorearekin adostuta edo eztabaidatuta. Irismenak saritu nahi izan ditu Jaurlaritzak aurten, eta Hekimenen ustez ondo dago irismena saritzea, behar-beharrezkoa da hori, helburua izan behar du irismena saritzea, baina laguntzak bakarrik edo nagusiki irismenaren arabera erabakitzeak arriskuan jar dezake gaur egun hedabideek duten sare gutxienekoa, izaera oso desberdinetako produktuak daudelako. Sektorearen parte bat kaltetu dezake, eta horrek berak sektorea ahuldu. Guretzako, irismenak helburua dira, ez abiapuntua”.

Azkenik, Hekimen-ek alderdi eta eragile politikoei eskatu die “gaia joko politikotik ateratzea”.

2014/11/06
Parte hartu Elhuyarrek antolatutako “Posible al da bikaintasuna zientzian, berdintasunik gabe?” mahai-inguruan, Emakunderen XI. Berdintasunerako Gunearen eta Zientziaren Astean

“Posible al da bikaintasuna zientzian, berdintasunik gabe?” mahai-ingurua antolatu du Elhuyarrek Emakunderen XI. Berdintasunareko Gunearen eta Zientziaren Asteko markoan. Mahai-ingurua azaroaren 13an izango da, 18:00etan, Bilboko Casilda Iturrizar parkean egongo den autobus ibiltarian. Hizlariak, berriz, Ainhoa Madariaga (Ikerbasque), Elena Aldasoro (Osakidetza), Ainhoa Larrañaga (Mondragon Unibertsitatea) eta Teresa Nuño (UPV/EHU), Elhuyarreko Maria Gil eta Naiara Arrik gidatuta. 

Zientzia eta berdintasuna hizpide dituzten ikerketa guztiek adierazten dute ez dagoela parekidetasunik, ez zientzia-hezkuntzan, ez arlo profesionalean. Joera hori orokorra da; mundu osoan zabalduta dago, eta Euskal Herrian ere egoera ez da bestelakoa. Gainera, datuen arabera, ez da ageri joera-aldaketaren zantzurik.

Zer egin dezakete ikastetxeek nahiz komunikabideek nesken artean zientzia-ikasketak sustatzeko? Nola desagerraraz daitezke estereotipoak? Zer leku dute emakumeek zientzian? Nola berma daiteke berdintasuna zientzia-arloko ibilbide profesionalean, finantziazioan eta ebaluazio-sistemetan?


Ikusi gehiago
2014/09/30
Gaur, irailak 30, Itzulpengintzaren Nazioarteko Eguna

Gaur, irailak 30, Itzulpengintzaren Nazioarteko Eguna dela eta, gogora ekarri nahi dugu itzulpenen kalitateak hizkuntzan eta gizartean duen eragina, eta nabarmendu itzulpen-prozesua testua sortzeko prozesua bezainbeste zaintzeko eta goxatzeko beharra. Testu itzuliek eragin zuzena dute ekonomian; batetik, gure gizartean elebitasuna eguneroko bizitzan txertatua dagoelako, eta, bestetik, etengabe esportatzen eta inportatzen direlako produktu eta zerbitzuak. Behar-beharrezkoa da hori gure lanean kontuan hartzea, hizkuntzak —hizkuntza guztiak— behar bezala zaintzea onuragarri izango baita denontzat, alde guztietatik. Ahal dugun neurrian, ideia hori gizartean zabaltzen eta praktikan jartzen saiatu behar genuke euskal erakunde eta enpresek. Hori dela eta, zenbait artikulu argitaratu ditugu prentsan.

Berria

Gara

Argia

El País  


Ikusi gehiago
2014/09/19
Erakundeen berrikuntza soziala neurtzeko adierazle-sistema bat eta tresna bat aurkeztu ditu Elhuyar Aholkularitzak
Elhuyar Aholkularitzak, Gipuzkoako Foru Aldundiaren Berrikuntza, Landa Garapena eta Turismo Departamentuaren diru-laguntzarekin, “Zenbateraino egiten eta eragiten dugu berrikuntza soziala” ikerlana landu du, eta, ikerlan horren emaitza gisa, erakundeek (publikoek, pribatuek zein gizarte arlokoek) egiten duten berrikuntza soziala neurtzeko tresna bat garatu du. Tresna hori aurkeztu du, gaur, Orona Fundazioak Hernaniko Galarretan duen Ideo eraikinean egin diren jardunaldietan.
Ikusi gehiago
2014/07/08
Automobilgintzako Hiztegia aurkeztu dugu gaur, sei enpresak elkarlanean sortu duten sektoreko hiztegi espezializatua

BATZ, Cikautxo, Ekin, Elay, GKN eta Maier enpresek, Elhuyar Hizkuntza eta Teknologiako terminologia-adituen aholkularitzapean, Automobilgintza Hiztegi espezializatua osatu dute, sei hizkuntzatan: ingelesa, gaztelania, euskara, frantsesa, alemana eta txinera. Automobilgintzako 2.637 kontzeptu biltzen ditu hiztegiak, 16 alorretan sailkatuak, eta Interneten kontsultatu daiteke oso-osorik. Gaur goizean aurkeztu daproiektua, Zornotzako Automotive Intelligence Center-en.


Ikusi gehiago
2014/05/15
Usurbilgo Udala, Elhuyar Fundazioaren bazkide

Elhuyar Fundazioaren bazkide egin da Usurbilgo Udala.
Bi urterako bazkidetza-hitzamena sinatu dute Usurbilgo alkate Mertxe Aizpuruak eta Elhuyar Fundazioaren lehendakari Txema Pitarkek. 

2014an bazkide egiten den bigarren eragilea da Usurbilgo Udala, Maier kooperatibarekin batera.

2014/04/02
Elhuyarreko Hizkuntza eta Teknologia unitateak webguneetako edukia entzuteko teknologia garatu du

Elhuyarreko Hizkuntza eta Teknologia unitateak, EHUko Aholab taldearekin elkarlanean, ahots-sintesi bidez webguneak entzuteko teknologia garatu dute berriki. Teknologia hori aplikatu da dagoeneko Elhuyar Aldizkariko webgunean eta zientzia.net-en. Horiek horrela, erabiltzaileek aukera izango dute webgune horietako edukiak euskaraz molde naturalean entzuteko.

Ahots-teknologietan gaur egun lortu den aurrerapen-maila teknologiaren eta hizkuntzaren araberakoa da. Nahiz eta ahots-ezagutzan oraindik badagoen zer hobetua hizkuntza guztietan, ahotsaren sorkuntza naturalean oso emaitza onak lortzen dira; baita euskararentzat ere. “Aholabek oso kalitate oneko ahots sintetiko neutroa lortu du euskararako, aplikazioetan erabiltzeko modukoa”, adierazi du Igor Leturiak Elhuyarreko ikertzaileak. Horregatik, Aholabekin elkarlanean, Elhuyarrek Aholab-en ahots sintetikoa webguneetan integratzeko teknologia hau garatu du, eta Elhuyar Aldizkaria eta zientzia.net webguneetan aplikatu.


Ikusi gehiago
2014/03/13
LANGUNEk Josu Walińo Elhuyarreko kidea lehendakari izatea berretsi zuen atzoko Asanblada Orokorrean
LANGUNEk (Hizkuntz Industrien Aurrekluster Elkartea Euskal Herrian) V. Asanblada egin zuen atzo Donostiako Miramon Parke Teknologikoan. Asanblada orokorrean zuzendaritza batzordea berritu eta Josu Waliño Elhuyarreko kidea lehendakari gisa berresteaz gain, datozen hiru urtetako Plan Estrategikoa aurkeztu zuten: 2017a bitartean, Laguneneren erronka nagusia hizkuntza-industriak Euskadiko sektore estrategiko bihurtzea izango delarik. Helburua da hiru erronka handiri erantzuna ematea industria-sektore honen barnean: enpresetan eleaniztasunaren kudeaketa sustatzea, hizkuntza-teknologiak bultzatzea espezializazio adimenduna lortzeko eta Euskadi beste hizkuntza gutxitu batzuentzako eredu gisa proiektatzea.

Jardunaldiare amaieran Antoni Mir Clusterlingua Hizkuntza Industrien Kluster Katalanaren zuzendariak eta Iris Cordoba Madrid Plataforma del Español sarearen zuzendariak hitzaldia eman zuten. Gaur aldiz, Elhuyarren izan dira eta gure jardunaren berri zuzenean jasotzeko aukera izan dute.
Ikusi gehiago
Itzuli orriaren hasierara
facebook twitter
Elhuyar Edizioak

Buletina

Elhuyarreko albisteen berri izan nahi duzu?

Itzuli orriaren hasierara

 

Copyright © 2009 Elhuyar Fundazioa | Lege-oharra | Web-mapa

webmaster@elhuyar.com

Diseinua: Blanco

Itzuli orriaren hasierara